На градските гробишта во скопската општина Ѓорче Петров биле оштетени дури 29 споменици и надгробни плочи, потврдија од МВР. Инцидентот бил пријавен на 10 јули околу 13:50 часот од страна на вработен во АД „Бутел“, а се случил во текот на ноќта меѓу 9 и 10 јули.
Надлежните органи веќе започнаа со истрага за расветлување на овој шокантен чин на вандализам. Полицијата презема мерки за да ги идентификува и санкционира сторителите.
Ова не е првпат гробишта во Скопје да бидат цел на вандали, што повторно отвора прашања за безбедноста и видео надзорот на ваквите објекти. Жителите бараат итна реакција и строги казни за вакви дела што директно го повредуваат достоинството на починатите и чувствата на нивните семејства.
