Генералниот секретар на НАТО, Марк Руте, изјави дека постои само еден човек во светот што може да го надмине ќорсокакот во војната во Украина – американскиот претседател Доналд Трамп. Руте додаде дека САД се најголемиот сојузник во НАТО и најмоќната земја на светот, и дека постигнувањето мир е процес кој бара дискусии и чекор по чекор пристап.
Тој нагласи дека НАТО е во постојан контакт со САД и дека целта е обезбедување мир и заштита на суверенитетот на Украина. Иако сите сакаат крвопролевањето да заврши, НАТО не смее да се поколеба во својата посветеност за поддршка на Украина.
Руте потенцираше дека Украина покажува неверојатна отпорност дури и кога Путин смета дека може да успее, и дека состанокот на министрите за надворешни работи е доказ дека Москва греши. Тој додаде дека е клучно Украина да има оружјето потребно за да се бори во војната.
Русија продолжува со бруталната војна против Украина, таргетирајќи ја критичната инфраструктура и демонстрирајќи неодговорно однесување кон НАТО преку нарушување на воздушниот простор, кибернапади и распоредување сателити за мапирање на подводната инфраструктура на сојузниците.
Затоа, членките на НАТО се засилуваат и разговараат за повеќе вложувања во одбраната, подобрување на производството и зголемување на поддршката за Украина, во подготовка за следниот самит во Анкара следната година.
