Сметките за електрична енергија често делуваат непредвидливо – еден месец се високи, другиот пониски. Но, покрај очигледните навики што ја зголемуваат потрошувачката, во секој дом постојат „скриени“ потрошувачи кои тивко, но упорно ја зголемуваат сметката.
Експертите објаснуваат дека некои уреди работат во позадина и кога мислиме дека се исклучени, а други се енергетски неефикасни поради старост или лошо одржување. Еве кои апарати најчесто се виновни и како да ја намалите потрошувачката:
Стари фрижидери Фрижидери постари од 15 години трошат значително повеќе електрична енергија од модерните модели. Ослабената изолација и неефикасните компресори можат да доведат до годишна потрошувачка од околу 1.000 kWh. Енергетски ефикасните модели со ознака Energy Star значително ја намалуваат потрошувачката.
Уреди што трошат струја и кога се исклучени Многу домашни апарати остануваат активни на standby. Телевизори, гејминг-конзоли, лаптопи, телефонски полначи, кабловски ресивери, стриминг-уреди, па дури и микробранови печки и апарати за кафе, трошаат струја во позадина. Решението е исклучување од штекер, користење на паметни продужни кабли или редовно вадење на полначите.
Бојлерот – невидливиот лидер во сметката Неконтролираното работење на бојлерот значително ја зголемува сметката. Ако водата е постојано загревана на висока температура, потрошувачката расте експоненцијално. Експертите препорачуваат оптимална температура од околу 49°C.
Електричните шпорети и рерните Рерните и шпоретите трошаат голема количина енергија секогаш кога се вклучени. Просечната потрошувачка на електрична рерна е од 2 до 2,5 kWh на час. Дополнителни загуби се јавуваат ако рерната често се отвора или е нечиста. За економичност се препорачува вентилаторско печење, пониски температури и подготовка на повеќе јадења истовремено.
Експертите нагласуваат дека со мали промени во секојдневието – исклучување на „празни“ потрошувачи и замена на застарени уреди – месечните сметки можат значително да се намалат, а домот да стане поефикасен и побезбеден.
