Администрацијата на поранешниот американски претседател Доналд Трамп, според извештај на „Вашингтон пост“, разгледува план кој би ја променил судбината на милиони Палестинци. Според документот до кој весникот дошол, сите жители на Појасот Газа би биле делумно раселени – преку т.н. „доброволни премини“ во други земји или во строго контролирани безбедносни зони во рамките на самата територија.
Контролата врз Газа би ја презеле САД, а управувањето би го вршела новоформирана организација под името „GREAT Trust“. За да се надоместат сопствениците на земјиштето, тие би добивале „дигитални токени“ – виртуелен надомест што би можеле да го искористат за нов почеток или за обезбедување дом во еден од шест до осум планирани „паметни градови“.
Овој предлог го разработуваат неколку израелски бизнисмени преку американско-израелската Хуманитарна фондација за Газа (GHF), која досега се занимаваше со дистрибуција на храна во регионот. Но наместо поддршка, планот предизвика силни критики од хуманитарни организации и Обединетите нации. Канцеларијата за човекови права на ОН потсети на трагичниот факт дека над 1.000 Палестинци загинале во близина на пунктовите на GHF додека чекале храна.
Овој предлог отвора бројни прашања за иднината на Газа, правата на Палестинците и улогата на Америка во регионот, а многумина предупредуваат дека наместо решение, може да предизвика уште поголем хаос.
