Рускиот министер за надворешни работи Сергеј Лавров и американскиот државен секретар Марко Рубио одржаа конструктивен разговор за подготовка на самитот меѓу претседателите Владимир Путин и Доналд Трамп, кој ќе следи по телефонските разговори на 16 октомври. Разговорот се фокусирал на конкретни чекори за спроведување на идеите договорени на претходните средби.
Сепак, Русија останува цврста во својот став по прашањето на војната во Украина и одбива повиците за замрзнување на конфликтот по должината на постојните линии на фронтот. Кремљ смета дека прекинот на огнот би можел да се искористи од Украина за прегрупирање и повторно вооружување, па затоа Москва инсистира на директни преговори за сеопфатен мировен договор, но под услов Украина да направи територијални отстапки.
Портпаролот на Кремљ, Дмитриј Песков, истакна дека руската страна повеќе пати го повторила својот став во текот на руско-американските контакти и дека ставот на Русија останува непроменет. Кремљ најави дека ќе се обиде да ги промовира мировните преговори за време на средбата на Путин и Трамп во Будимпешта.
Не дознавај последен - читај ПРВ.мк
