Анкетите во САД покажуваат драматичен пресврт во републиканската трка за претседателските избори во 2028 година. Потпретседателот Џеј Ди Венс, долго сметан за природен наследник на политиките на Доналд Трамп, го губи водството пред Доналд Трамп Џуниор.
Истражувањето на McLaughlin & Associates покажува дека неговото водство над Трамп Џуниор се намалило од 20–28 поени летово на само 10 поени во ноември. Според аналитичарите, падот на рејтингот на актуелната администрација директно влијае врз неговата популарност.
Паралелно, Доналд Трамп се соочува со најнизок рејтинг од враќањето во Белата куќа – само 39% одобрување. Експертите велат дека тесната поврзаност меѓу двајцата директно го влече Венс надолу.
Сепак, други анкети, како YouGov, му даваат значителна предност: во ноември му се мерат 42% поддршка, во споредба со 13% за Трамп Џуниор.
Како можни кандидати за 2028 се споменуваат и Марко Рубио и Тед Круз, но никој формално не ја најавил трката. Венс вели дека фокусот му е на сегашната функција, а Трамп Џуниор ги негира шпекулациите дека размислува за кандидатура.
Јасната слика за републиканската трка ќе стане позната дури по меѓуизборите
