Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат „историски успех“. Тој истакна дека војната во Газа е завршена и дека постигнат е мир кој, според него, ќе биде траен и можеби дури вечен.
Трамп нагласи дека преостанатите заложници ќе бидат ослободени на почетокот на следната недела, во понеделник или вторник, и ги опиша процесите на нивното враќање како комплицирани. Тој најави дека ќе патува во Египет за официјално потпишување на мировниот договор, кој веќе е потпишан во негово име.
Во врска со обновата на Газа, претседателот рече дека областа полека ќе се враќа во нормала, а многу земји ќе вложуваат средства за нејзина рехабилитација. Тој додаде дека нападот врз Иран во јуни бил клучен за успешното постигнување на договорот, спречувајќи можност за нуклеарно оружје, и дека Иран сега сака мирна соработка.
Трамп изрази благодарност кон земјите посредници во мировните преговори во Египет и истакна дека целиот свет се обединил за постигнување на договорот. Тој заклучи дека сите Американци треба да бидат горди на улогата што нивната земја ја одиграла во завршувањето на конфликтот и повторно потврди надеж за брзо враќање на заложниците.
Видео:
