Кристијано Роналдо, најголемата ѕвезда на португалскиот фудбал, не се појави на погребот на трагично починатите Диого Жота и Андре Силва, што предизвика бројни реакции во јавноста.
Според извори од португалските медиуми, Роналдо намерно избегнал да присуствува, и тоа не од негрижа, туку од почит и воздржаност. Тој сметал дека неговото присуство би можело да ја засени интимната и тажна атмосфера на церемонијата во Гондомар, каде се собраа семејствата, блиските и фудбалските пријатели на Жота.
Како што пренесуваат медиумите, Роналдо верувал дека вниманието на јавноста и медиумите би се пренасочило кон него, со што би се одвлекло фокусот од самата загуба и болката што ја чувствува целата земја и фудбалската заедница.
И покрај отсуството, Роналдо упатил лична порака на сочувство до семејството на Жота, а извори блиски до него тврдат дека бил длабоко потресен од трагичната вест.
„Тој ја избра тишината како знак на најголема почит,“ коментира еден од неговите соработници за португалските медиуми.
