Лионел Меси и Кристијано Роналдо со години го делеа фудбалскиот свет на два табора. Двајцата доминираа речиси две децении, но никогаш – ниту еднаш – не заиграа заедно. Сепак, според најновите инсајдерски информации, сценарио кое до вчера изгледаше како фантазија, денес станува реална можност. И клучното име во целата приказна е – Дејвид Бекам.
Ко-сопственикот на Интер Мајами се посочува како човекот што би можел да го направи историскиот потег и да ги спои двете најголеми фудбалски икони во еден тим. Причината? Сè поголемото незадоволство на Роналдо од случувањата во Саудиска Арабија.
Според странските медиуми, Португалецот е сериозно разочаран од функционирањето на саудиската лига, начинот на управување и распределбата на трансфер-бюџетите. Дури се тврди дека одбил да настапи за Ал-Наср, што дополнително ги подгреа шпекулациите за негово заминување.
Иако се споменува можен камбек во Европа, се појасна станува и опцијата за преселба во МЛС – токму во Интер Мајами, каде веќе блеска Меси. Американскиот „сон“ би можел да стане реалност, а Бекам и неговиот клуб наводно се подготвени да влезат во трка за потписот на CR7.
Ако ова се оствари, светскиот фудбал ќе добие момент каков што никогаш досега не видел.
