Жителите на општина Центар и возачите кои секојдневно транзитираат низ овој дел на градот, од денеска ќе се соочат со изменет режим на сообраќај, кој ќе биде на сила сè до 23 септември 2026 година.
Од ГД „Гранит“ АД Скопје информираат дека посебниот режим е воведен поради градежни активности за изградба на нова комунална инфраструктура и улични зафати. Работите ќе се одвиваат на улицата „Тодор Александров“, конкретно на краците со број 11 и 12, каде се предвидени интервенции на теренот.
Сите активности се спроведуваат согласно одобрението за времен режим на сообраќај, издадено од Град Скопје. Од надлежните апелираат до учесниците во сообраќајот да ја почитуваат поставената сигнализација и да се придржуваат до инструкциите додека траат градежните работи.
