Наместо автобусите на Јавното сообраќајно претпријатие (ЈСП) Скопје да им обезбедат на патниците заштита од временските услови, граѓаните се соочуваат со уште една непријатна ситуација – дождовница прокапува директно во внатрешноста на возилото.
Во еден од автобусите на ЈСП водата навлегува низ покривот и паѓа врз патниците, кои наместо да бидат заштитени од дождот, мораат да се справуваат и со ваков проблем за време на возењето.
Ова е уште еден пример за проблемите со кои секојдневно се соочуваат корисниците на јавниот градски превоз во Скопје. Покрај долгото чекање на автобуските постојки, нередовните линии и недостигот од возила, сега се појавуваат и ситуации во кои ниту престојот во автобусот не гарантира заштита од дождот.
Ваквите состојби повторно го отвораат прашањето за техничката исправност и одржувањето на автобусите, но и за квалитетот на услугата што ЈСП им ја обезбедува на граѓаните кои секојдневно го користат јавниот превоз и плаќаат за него.
