Телото на девојче (16) е пронајдено под прозорецот од станбената зграда број 16 во Безимјана улица, во населбата Железнодорожни, која му припаѓа на Московскиот округ. Ова е трета смрт на тинејџерка на идентичен начин во оваа населба.
Новата трагедија е откриена денеска, во раните утрински часови. Пред страшното откритие, станарите слушале како девојчето се кара со мајка си.
Како што наведува каналот „Железнодорожни лајф“, итните служби брзо пристигнале на лице место, но лекарите можеле само да констатираат смрт. Експертите во моментов ги истражуваат околностите за овој настан, а официјални коментари за овој случај засега нема.
Во тек е истрага за инцидентот, се сослушуваат сведоци и се прибираат снимки од надзорните камери.
Во истата населба, на 19 април 2023 година, беше пронајдено телото на исчезнато тригодишно девојче. Прес-службата на Главното истражно одделение на Истражниот комитет за Московската област тогаш соопшти дека детето паднало низ прозорец заедно со мајката.
„За време на деталниот преглед на областа во Балашиха, каде што паднала жената, телото на девојчето е пронајдено во празнината над влезната настрешница, под плочата на балконот на вториот кат. Се здобила со повреди карактеристични за пад од висина. Според прелиминарните информации, девојчето паднало низ прозорецот од станот заедно со својата мајка“, наведе тогаш полицијата.
Во февруари 2014 година, во вечерните часови, почина и тринаесетгодишно девојче. Нејзиното тело беше пронајдено во близина на станбена зграда, а сè укажува на тоа дека скокнала низ прозорецот од станот на 11-тиот кат.
