Во Скопје, мајка пријавила во полиција дека нејзината 14-годишна ќерка е бремена, откако тоа било потврдено по лекарски преглед.
Според информациите од МВР, случајот бил пријавен во раните утрински часови на 28 март. Мајката, откако се посомневала, ја однела ќерката на преглед во ГАК „Мајка Тереза“, каде лекарите утврдиле дека девојчето е во поодмината бременост.
По разговорот со родителот, малолетничката признала дека во текот на летото 2025 година имала доброволни интимни односи со свој врсник, со кого била во љубовна врска.
Од полицијата информираат дека се преземаат сите неопходни мерки за целосно утврдување на околностите поврзани со случајот.
