Јавното собраќајно претпријатие кое управува со Жичницата објави дека привремено е прекинато нејзиното работење поради непогодни временски услови.
Во објавата на Фејсбук се појаснува дека јачината на ветерот моментално ги надминува безбедносните граници за нормално функционирање на Жичницата. Надлежните служби ја следат состојбата на терен, а објектот ќе продолжи со превоз на патници веднаш штом ќе се создадат соодветни временски услови.
Скопјани се повикуваат на внимание и да го следат соопштението на претпријатието за нови информации за отворањето на Жичницата.
