Италијанските власти денеска уапсија девет лица поврзани со три добротворни организации, под сомнение дека незаконски собрале милиони евра за палестинската милитантна група Хамас, соопштија обвинителите за антитерористички активности.
Според истрагата, осомничените испратиле околу 7 милиони евра до „здруженија со седиште во Газа, палестинските територии или Израел, кои се во сопственост, контролирани или поврзани со Хамас“. Меѓу уапсените е Мохамед Ханун, претседател на Палестинското здружение во Италија, кој обвинителите го опишуваат како „шеф на италијанската ќелија на организацијата Хамас“.
Европската унија го класифицира Хамас како терористичка организација. Истражителите наведуваат дека нелегалните средства биле префрлани преку „триангулациски операции“ – со банкарски трансфери или преку организации со седиште во странство до здруженија во Газа прогласени за нелегални од Израел.
Во јануари 202, Европскиот совет ја продолжи примената на рестриктивни мерки против 12 лица и три субјекти кои ја поддржуваат финансиската мрежа на Хамас и Палестинскиот исламски џихад.
