Утрово во Крушевац се случи ужасна трагедија – млад човек изврши двојно убиство во својот семеен стан, убивајќи ги родителите со нож, по што изврши самоубиство скокајќи од зградата.
Случајот беше откриен откако соседите пријавиле дека на тротоарот пред зградата лежи безживотно тело на маж. Кога полицијата и екипата на брзата помош пристигнале на местото на настанот, констатирана била смртта, а по влезот во станот следела вистинска шок сцена.
Во станот каде младиот човек живеел со своите родители, биле пронајдени телата на таткото и мајката со повеќе убодни рани во пределот на торзото и вратот. Според првичните информации од истрагата, оружјето со кое е извршено злосторството – нож – било пронајдено на лице место и испратено на вештачење.
„Местото на настанот било морничаво. На лице место пронајдовме ладно оружје со траги од крв, кое е испратено на вештачење“, изјави извор блиску до истрагата.
Полицијата продолжува со целосно расчистување на случајот и утврдување на сите околности кои довеле до трагичниот чин.
