Сашо Клековски упати честитка по повод 11 Октомври – Денот на народното востание, потсетувајќи на историското значење на овој датум и на одговорноста што ја имаат граѓаните кон иднината на државата.
Во својата порака, Клековски истакна дека на 11 октомври 1941 година, пред 85 години, во Прилеп и Куманово започнала борбата што го отворила патот кон АСНОМ и создавањето на македонската држава.
„Тие што тогаш тргнаа, не чекаа подобро време – го создадоа!“, порача Клековски.
Тој нагласи дека почитта кон луѓето кои се бореле за слободата не треба да остане само на зборови, туку да се покаже преку лична одговорност и чесна работа, секој на своето место.
Според неговата порака, потребно е сите да придонесуваат за изградба на држава во која граѓаните ќе сакаат да живеат и да ја градат својата иднина.
Клековски порача дека 11 Октомври треба да остане потсетник на храброста, пожртвуваноста и единството на македонскиот народ.
