Големо внимание привлече веста дека Анџелина Џоли повторно е поврзувана со љубовна приказна, овој пат со француски актер со кој глуми во драмата „Couture“. Филмот содржи интимни сцени, поради што гласините за нивна наводна романса уште повеќе ја разбудија јавноста.
Често се случува глумците кои на екран играат љубовни партнери да бидат поврзувани и во реалниот живот. Анџелина Џоли (50), по разделбата со поранешниот сопруг Бред Пит во 2016 година, официјално немала нова врска. Разводот беше финализиран кон крајот на 2024 година.
Се шпекулираше дека нејзин нов партнер е францускиот актер Луј Гарел (42), но официјално тие се само пријатели и колеги. Џоли е целосно посветена на своите деца и кариера. Таа неодамна се појави со ќерката Захара и има уште пет деца: Шајло, Вивиен, Нокс, Пакс и Медокс.
Нејзината нова улога привлече големо внимание, а многумина беа изненадени од содржината на филмот, кој се разликува од нејзините претходни проекти.
Филмот „Couture“ е режиран од Алис Винокур. Приказната се одвива за време на Неделата на модата во Париз и ги следи животите на три жени кои се соочуваат со лични борби и наоѓаат меѓусебна поддршка.
Џоли ја игра Максим, филмска режисерка која започнува неочекувана врска со соработникот што го глуми Гарел.
Филмот се смета за една од нејзините најлични улоги, бидејќи обработува теми поврзани со здравје и превенција, рефлектирајќи ја нејзината одлука за превентивна мастектомија поради генетски ризици.
Интимните сцени меѓу Џоли и Гарел се опишани како „тивки и суптилни“, каде што хемијата се развива преку разговор и заедничка работа. Целта е да се прикаже ранливоста и прифаќањето на сопственото тело.
Режисерката Алис Винокур е позната по тоа што интимноста во своите филмови ја прикажува преку мали гестови и атмосфера, па овие сцени се поинакви од класичните холивудски филмски сцени.
