Регионалната музичка ѕвезда Сенидах, само две недели по распродадениот концерт во загрепската Арена, гостуваше во емисијата и поткастот „Без пардон“, каде што отворено зборуваше за кариерата, љубовта, самодовербата и животните предизвици.
Во разговорот со Ида Престер и Јосипа Брачанов, пејачката откри дека повеќе не чувствува потреба да им се докажува на другите.
„Сега сакам да си се докажувам себеси“, порача Сенидах, објаснувајќи дека постојано бара нови предизвици и можности за напредување.
Посебно емотивен дел од разговорот беше посветен на нејзината покојна мајка, од која го наследила музичкиот талент. Сенидах откри дека мајка ѝ била нејзината најголема поддршка и верува дека денес би била горда на нејзиниот успех.
„Нашите жени се како ружи“
Зборувајќи за положбата на жените, пејачката ја истакна важноста на финансиската независност и меѓусебната поддршка.
Според неа, жените од нашите простори се како ружи – убави и негувани, но кога е потребно, знаат да ги покажат и своите трње и заби.
Сенидах призна дека во љубовните односи најважни ѝ се сигурноста, довербата и можноста покрај партнерот да биде целосно своја.
Иако е лојална и тешко се откажува од луѓето што ги сака, разочарувањата често ги претвора во инспирација за нови песни.
„Со секоја деценија ми е сè подобро“
За разлика од многумина што се плашат од стареењето, Сенидах вели дека со годините се чувствува сè подобро.
Таа редовно тренира, се грижи за себе и настојува да го зачува внатрешниот мир.
Нејзината порака е дека кога човек се чувствува добро во сопствената кожа, го работи она што го сака и не живее според туѓите очекувања, секоја следна деценија може да биде уште подобра.
Пејачката нагласи дека најголемата вредност за неа остану
