Северина приреди незаборавен спектакл во родниот Сплит, исполнет со емоции и носталгија.
53-годишната музичка ѕвезда ја наполни салата „Грипе“ до последното место, а подготовките за концертот траеја повеќе од два месеца. Сцената блескаше, а атмосферата беше магична, спојувајќи ги нејзините најголеми хитови со интимни моменти од приватниот живот.
Облечена во впечатлив црн корсет и преполна со енергија, Северина ги изведуваше песните кои ја направија музичка икона, додека на огромните екрани зад неа се прикажуваа фотографии и видеа од детството, семејството и првите чекори во кариерата.
Најемотивниот момент на вечерта дојде кога ја изведе песната „Rođeno moje“, посветена на својот син. Со треперлив глас и солзи во очите, таа им се обрати на присутните:
„Ова е песна за најважниот маж во мојот живот. Неговото срце чукаше под моето. Повеќепати се обидоа да ми го одземат, но по 12 години борба - мојот син конечно живее со мене.“
Публиката ја поздрави со долги овации, а многумина не можешеа да ги сокријат своите емоции, споделувајќи момент на чиста радост и солзи на среќа.
Подоцна, Северина на социјалните мрежи откри колку овој концерт и значи:
„Не би била таа што сум ако не сум од Сплит. Заминав од градот за време на војната, а песната што ја изведов е мојата лична карта. „Далматинка“ по срце, душа, темперамент и инат. Но оваа публика тоа го знае и без објаснување - исти сме.“
Не дознавај последен- читај ПРВ.мк
