Куманово денес, 31 октомври, ќе биде домаќин на осмото издание на традиционалната трка „Born 2 Run – Спортот нѐ поврзува“, поради што ќе има привремени ограничувања на сообраќајот на делови од неколку улици.
Изменет режим ќе важи на делови од улиците „Гоце Делчев“, „III МУБ“, „Железничка“, „Октомвриска Револуција“ и „Доне Божинов“.
Организаторот, Центарот за интеркултурен дијалог, ги повикува граѓаните да ја почитуваат привремената сообраќајна регулација, со цел трката да се одржи безбедно и непречено.
Стартот е закажан за 12 часот на плоштадот „Нова Југославија“, а учесниците ќе можат да се натпреваруваат на две патеки – од 3 и 10 километри.
