Големо истекување на податоци ги загрижи корисниците на Gmail, откако беа откриени 183 милиони компромитирани сметки и нивните лозинки. Експертите предупредуваат дека хакерите можат да пристапат не само до вашата Gmail сметка, туку и до други сервиси поврзани со истата е-пошта – од социјални мрежи до банкарски апликации и онлајн продавници.
Иако инцидентот се случил уште во април оваа година, само неодамна платформата „Have I Been Pwned“ го идентификуваше овој масивен протек. Основачот на страницата, Трој Хант, објаснува дека податоците произлегуваат од голем хакерски пакет кој долго време кружел на интернет, и додава дека само на оваа веб-страница се евидентирани 917 компромитирани сајтови со повеќе од 15 милијарди засегнати сметки.
Како да проверите дали вашата сметка е во опасност Ве советуваат да посетите haveibeenpwned.com и да ја внесете вашата Gmail адреса. Ако вашата сметка е дел од протекот, веднаш треба да преземете мерки: променете ја лозинката, избегнувајте да ја користите истата лозинка на различни веб-страници и активирајте двофакторска автентикација (2FA).
Зошто двофакторската автентикација е клучна Двофакторската автентикација обезбедува дополнителен слој заштита. Дури и ако хакерот ја има вашата лозинка, нема да може да пристапи до сметката без вториот код за потврда. Google нуди различни методи за 2FA – од СМС-кодови до известувања на мобилен уред – за да спречи неовластен пристап. Редовната проверка на безбедноста на вашите сметки и користење уникатни лозинки за секоја веб-страница се основни чекори за заштита во дигиталниот свет.
Не дознавај последен- читај ПРВ.мк
