Во Кина се шири необичен тренд – возрасни луѓе почнаа да користат цуцли за намалување на стресот и подобар сон. Притисокот од работа, станбени и автомобилски кредити, како и секојдневните меѓучовечки односи, го прават животот многу стресен, па цуцлите се промовираат како средство за олеснување на анксиозноста.
На страниците за е-трговија низ целата земја, цуцлите за возрасни се продаваат како помош за спиење и ублажување на стресот. Некои продавници продаваат и по неколку илјади парчиња месечно. Психолозите објаснуваат дека луѓето се вртуваат кон регресија – враќање кон порано, кога се чувствувале сигурни и заштитени. Цуцлата симболизира удобност и безбедност од детството.
Многу корисници на интернет тврдат дека со цуцла се чувствуваат помирно, подобро спијат и се помалку стресирани – „како бебе“. Сепак, стручњаците предупредуваат на ризиците. Д-р Танг Цаомин од Универзитетот Сечуан објаснува дека оралната структура кај возрасните е различна од онаа кај бебињата. Продолжената употреба на цуцла може да предизвика болка во зглобовите, кликање и тешкотии при отворање на устата. Особено е опасно да се спие со цуцла во устата, бидејќи тоа може да го отежни дишењето и дури да предизвика задушување.
Овој феномен, иако интересен и привлечно „удобен“, доаѓа со реални здравствени ризици што не треба да се игнорираат.
