Голема француска студија, која опфати речиси 30 милиони возрасни лица, покажа дека ризикот од смрт од која било причина е значително поголем кај невакцинираните лица отколку кај оние кои примиле вакцина против Ковид-19.
Истражувањето, објавено во научното списание „Џама Нетворк Опен“ и спроведено од епидемиолошката група „Епи-фаре“, ги анализирало податоците од 2021 до 2025 година. Вклучени се речиси 23 милиони вакцинирани и 6 милиони невакцинирани возрасни лица на возраст од 18 до 59 години.
Резултатите покажуваат:
- Смртност кај вакцинирани: 0,4%
- Смртност кај невакцинирани: 0,6%
Ова укажува дека вкупната стапка на смртност е приближно 50% повисока кај невакцинираните.
Махмуд Зуреик, кој го надгледувал истражувањето, појасни: „Можеме со висок степен на сигурност да потврдиме дека вакцините против Ковид-19 не го зголемуваат ризикот од смртност. МРНА вакцините на Модерна и Фајзер се безбедни и не предизвикуваат долгорочен ризик од смрт од која било причина.“
Истражувачите нагласуваат дека иако студијата не може директно да докаже дека вакцинацијата ја намалила стапката на смртност, резултатите јасно покажуваат заштитен ефект и ги побиваат лажните наративи дека МРНА вакцините предизвикуваат скриен бран на смрт.
Разликата во смртноста може исто така да ја одразува и демографската и социјалната структура на групите, но сепак податоците ја потврдуваат важноста на вакцинацијата за здравјето и долгорочната заштита од сериозни последици.
