Голема тага во семејството на македонскиот пејач Елвир Мекиќ. Неговиот брат почина млад, а од него со емотивна порака се прости пејачот Јоце Панов.
„Зошто бе Еки, зошто бе братче, зошто замина толку рано, толку млад и полн со живот, зошто бе брат????“, напиша Панов.
Во своето простување тој се присети на годините исполнети со дружење, смеа и музика, како и на заедничките моменти кои засекогаш ќе останат во неговото сеќавање.
„Со кого ќе се смеам и кој ќе ми пее терци сега?“, стои во емотивната порака.
Панов порача дека ќе го памети Еки насмеан и дека во негова чест ќе продолжи да ги пее песните што заедно ги сакале и пееле.
„Јас ќе те паметам насмеан, и ќе ги пеам за тебе песните што најмногу ги сакаше и секогаш ги пеевме заедно. Збогум ЕКИ.“
Веста за прераната смрт предизвика бројни реакции и пораки со сочувство до семејството и најблиските.
Нека почива во мир. Искрено сочувство до семејството и блиските.
