Канцеларијата на израелскиот министер за национална безбедност Итамар Бен-Гвир соопшти дека во централен Израел започнува изградба на објект наменет за бесење лица осудени на смрт за тероризам.
Бен-Гвир ја даде изјавата од самото градилиште, нагласувајќи дека проектот е дел од неговата политика за заострување на третманот на осудените за тероризам.
„Ветив дека ќе ги влошам условите за терористите во затворите и го одржав моето ветување. Ветив дека ќе го донесам Законот за смртна казна за терористи и го направивме тоа. И сега започнува изградбата на објектот за бесење“, изјави министерот.
Според информациите објавени од неговиот кабинет, објектот ќе биде дел од затворски комплекс во кој веќе е изградено посебно крило за затвореници осудени на смрт.
Предвидени се и простории од кои жртвите на терористички напади и семејствата на загинатите ќе можат да ги следат егзекуциите, доколку добијат соодветна дозвола.
Бен-Гвир настапи со остра порака и проектот го опиша како историски чекор.
„Пишуваме историја. Нашите терористи заслужуваат само едно нешто: смрт со бесење“, порача тој.
Најавата за изградбата на објектот доаѓа во рамки на пошироките заложби на Бен-Гвир за построги казни и затворски услови за лицата осудени за терористички дела.
Видео:
