Управата за хидрометеоролошки работи (УХМР) издаде жолто метео предупредување за утре, поради влијание на влажна и нестабилна воздушна маса.
Според прогнозата, утре попладне, во текот на ноќта и во понеделник претпладне, времето ќе биде променливо облачно и нестабилно, со локален пороен дожд и грмежи. Најинтензивни појави се очекуваат во форма на невреме со пообилен пороен дожд (над 20 l/m²) и засилен ветер, особено во источните делови на земјата.
Во понеделник преку денот ќе дува засилен северен ветер, локално над 60 km/h. Од вторник се очекува стабилно и топло време.
За поголем дел од државата УХМР издаде жолт метео аларм за опасност од невреме, со цел граѓаните да преземат соодветни мерки за заштита.
