61-годишен маж од Скопје почина во Градската општа болница „Св. Наум Охридски“ по хоспитализацијата со повреди, за кои се претпоставува дека биле резултат на физички напад.
Според пријавата од болницата, пациентот Џ.Б. бил донесен на интензивна нега со сериозни повреди, а починал во 18:00 часот на 12.09.2025.
Полицијата информира дека по наредба на јавен обвинител телото е предадено на обдукција, а истрагата е во тек за целосно расчистување на случајот. Се преземаат сите мерки за идентификување на сторителот и утврдување на околностите околу трагедијата.
