Компанијата КАМ годинава ќе исплати рекорден регрес во висина од 52.000 денари за своите вработени, продолжувајќи ја својата практика за вложување во кадарот и подобрување на условите за работа. Со оваа одлука, компанијата уште еднаш покажува дека вложувањето во луѓето останува еден од нејзините главни приоритети.
Од КАМ информираат дека исплатата е дел од долгорочната стратегија насочена кон создавање работна средина во која секој вработен се чувствува ценет, мотивиран и поддржан. Според нив, континуираното вреднување на трудот придонесува за поголема посветеност, подобри резултати и развој на компанијата.
„Со задоволство информираме дека оваа година на вработените во КАМ ќе им биде исплатен рекорден регрес од 52.000 денари. Оваа одлука е дел од континуираната пракса на компанијата за унапредување на условите за работа и вреднување на трудот на вработените“, соопштуваат од компанијата.
Во соопштението дополнително се нагласува дека организациската култура на КАМ се темели на почитување и поддршка на вработените, кои се сметаат за најважниот ресурс во компанијата. Оттаму посочуваат дека зад секој успех стојат токму луѓето кои секојдневно придонесуваат со својот труд и професионалност.
„Во КАМ се стремиме да градиме средина во која луѓето се поддржани, ценети и мотивирани да придонесуваат секој ден. Со исплатата на рекорден регрес испраќаме јасна порака за значењето на луѓето во нашиот систем“, наведуваат од компанијата.
Од КАМ упатија благодарност до сите вработени за нивната посветеност, професионален пристап и придонес во текот на изминатата година, истакнувајќи дека токму нивниот ангажман е двигател на растот и развојот на компанијата.
Исплатата на регресот од 52.000 денари претставува една од највисоките суми што КАМ досега ја обезбедил за своите вработени. Со овој чекор, компанијата уште еднаш ја потврдува својата определба да инвестира во човечкиот капитал, да ги наградува резултатите и да создава подобри услови за работа и професионален развој.
