Регулаторната комисија за енергетика (РКЕ) донесе нова одлука за максималните малопродажни цени на нафтените деривати, која ќе почне да се применува од 00:01 часот на 22 септември.
Најголемата промена е кај дизелот, кој поскапува за 5,50 денари за литар и од полноќ ќе се продава по максимална цена од 104,50 денари за литар.
Од друга страна, бензините поевтинуваат за 1,50 денар. ЕУРОСУПЕР БС-95 ќе чини 99 денари, додека ЕУРОСУПЕР БС-98 ќе се продава по максимална цена од 101 денар за литар.
Екстра лесното масло за домаќинство поевтинува за седум денари и ќе чини 102,50 денари за литар, додека мазутот поскапува за 1,835 денари и новата цена ќе изнесува 50,078 денари за килограм.
Новите максимални цени од полноќ се:
- ЕУРОСУПЕР БС-95 – 99,00 денари/литар
- ЕУРОСУПЕР БС-98 – 101,00 денари/литар
- ЕУРОДИЗЕЛ БС (Д-Е V) – 104,50 денари/литар
- Екстра лесно масло за домаќинство – 102,50 денари/литар
- Мазут М-1 НС – 50,078 денари/килограм
Од РКЕ посочуваат дека станува збор за максимални малопродажни цени, што значи дека трговците можат да ги продаваат горивата и по пониски цени.
