На 30 април 2026 година, во 10:00 часот, во СВР Битола било пријавено дека во водите на Преспанското Езеро, кај туристичката населба во селото Отешево, била пронајдена граната.
По пријавата, на местото интервенирал пиротехничар од Дирекцијата за заштита и спасување Битола, кој безбедно ја подигнал гранатата.
Според информациите од МВР, станува збор за минофрлачка граната од 75 милиметри, која потекнува од Првата светска војна.
Случајот е безбедно расчистен, а надлежните институции повторно апелираат вакви предмети да не се допираат, туку веднаш да се пријават.
