На 19 декември, православните верници го слават Свети Никола, еден од најомилените и најчесто празнуваните семејни празници во Македонија. Овој ден е исполнет со традиции и верувања кои го нагласуваат мирот, добрината и помагањето на другите.
Што не треба да се правиСпоред народните обичаи, на Свети Никола е забрането да се работат домашни задачи. Не треба да се чисти, пере или усисува, зашто денот е посветен на одмор и почит кон светецот.
Заштитник на сиромашните, болните и морнаритеСвети Никола е познат по својата добрина кон сиромашните и болните, а станал и заштитник на морнарите затоа што својот имот го користел за откуп на заробеници и им помагал на оние во неволја.
Обичаи поврзани со долгови и дарувањеНа овој ден, според верувањето, никој не треба да потсетува на долгови или да ги отежнува положбите на должниците. Обичај е да се носат подароци за славеникот, а домаќините кои го слават Свети Никола не смее да ги пуштат гостите со празни раце, туку мора да им подарат нешто пред да си одат.
Овој ден е време за семејство, добрина и помош за другите, со што се одржуваат вековните традиции поврзани со Свети Никола.
