Низ целата територија на Северна Македонија денеска дува засилен ветер, но особено загрижувачка е ситуацијата во Гевгелија, каде кровот на една детска градинка станал небезбеден.
На објавеното видео се гледа како силниот ветер ги крена лимовите од кровот, што претставува сериозна опасност за граѓаните.
Од Центарот за управување со кризи (ЦУК) утрово информираа дека е примена пријава дека поради силниот ветер летнала лимената конструкција од кровот на СОУ „Јосиф Јосифовски“ во Гевгелија. За среќа, според информациите, нема повредени лица.
