Попладнево на планинскиот пат над село Јеловце, општина Врапчиште, теренско возило излетало од патот, при што едно лице се здобило со тешки повреди. Трите сопатници, меѓу кои и доктор, веднаш пријавиле на 112 и побарале помош.
Полицискиот хеликоптер, кој штотуку слетал по гаснење пожар на планината Кожув, беше веднаш пренасочен кон местото на несреќата. Повреденото лице е брзо пренесено во Клиничкиот центар во Скопје, а ЦУК изрази голема благодарност до МВР и пилотите за брзата и успешна интервенција.
