13-годишно девојче е тешко повредено откако во него удрил автомобил, а возачот веднаш избегал од местото на настанот.
Портпаролот на СВР Тетово, Фатмир Реџепи, информира дека несреќата се случила вчера околу 12:30 часот на улицата „Павле Аврамоски“ во Гостивар.
„Возило удрило во 13-годишно малолетничко девојче од Гостивар, по што возачот го напуштил местото на настанот“, рече Реџепи.
Малолетничката со тешки телесни повреди била пренесена и констатирана во Општа болница Гостивар.
На местото на настанот извршен е увид од страна на увидна екипа на ОВР Гостивар, а се преземаат мерки за пронаоѓање на возачот и расчистување на случајот.
