Денеска свечено беше отворен големиот таеквондо спектакл „Скопје Опен 2026 – Г1“, кој се одржува во Скопје и се најавува како најголем спортски настан во Македонија.
На отворањето присуствуваше претседателот на Владата, Христијан Мицкоски, на кого организаторите му изразија благодарност за присуството и поддршката што ја дава на таеквондо спортот. Меѓу присутните беа и министерот за одбрана Владо Мисајловски, градоначалниците Орце Ѓорѓиевски, Иван Јорданов и Сотир Лукровски, пратеникот Бојан Стојаноски, заменик амбасадорот Дејвид Маерс, амбасадорот на Кореја Донг Бае Ким, како и олимпискиот шампион Шабан Трстена.
Според најавите, на турнирот учествуваат 1.000 натпреварувачи од 41 држава од целиот свет. „Скопје Опен“ е рангиран како Г1 турнир, што значи дека носи бодови за олимписка норма, дополнително зголемувајќи ја неговата важност за врвните спортисти.
Организаторите изразија очекувања за успешни настапи и медали од македонските претставници.
