Скопјанец на 64 години пријавил дека бил измамен за вкупно 1.300 евра, пари што ги дал верувајќи дека ќе му „средат“ социјална помош за него и за неговата сопруга.
Во 2022 година, мажот му доверил 300 евра на Ф.А. од Скопје, кој ветил дека ќе помогне да добие социјална помош. По неколку месеци, пристигнало решение – барањето било одбиено.
Но измамата не завршила тука. По една година, истата личност повторно побарала пари, овојпат 1.000 евра, со објаснување дека ќе „среди“ социјална помош за сопругата на пријавителот. Парите му биле дадени на жена испратена од Ф.А.
Оттогаш, мажот повеќе не можел да стапи во контакт со Ф.А., сфаќајќи дека станува збор за класична измама.
Полицијата веќе работи на идентификација и расчистување на случајот, додека граѓаните се предупредени да бидат внимателни со доверување пари за ветувања од ваков тип.
