Кавадарци дел од караванот за 35 години независна Македонија: Празнична манифестација утре на градскиот плоштад
Во рамки на караванот со кој се одбележува големиот јубилеј – 35 години независна Македонија, Кавадарци утре ќе биде една од главните станици на оваа празнична турнеја.
Настанот е закажан со почеток од 20:00 часот на градскиот плоштад, каде што за присутните ќе биде организирана убава вечер исполнета со богата музичка програма, дружење и одбележување на македонскиот дух.
Организаторите упатуваат отворена покана до сите жители на Кавадарци и околината да се приклучат на собирот и заеднички да ја почувствуваат убавината и значењето на овој голем македонски празник.
