Првиот снег годинава пристигна тивко, но впечатливо – врвовите на Јабланица утрово блеснаа под тенка бела покривка, најавувајќи дека зимата веќе ја прекорнала границата на струшкиот регион. Фотографиите што кружат на локалните медиуми покажуваат целосно „избелени“ височини, додека долу во Струга сè уште доминираат есенските бои.
Јабланица, која се издига над 2.000 метри и ја дели Македонија од албанската страна на планинскиот масив, секоја година прва го најавува зимскиот период. Видливата снежна линија што утрово се појави над Струшката котлина е јасен знак дека температурите на високите точки веќе паднале под нулата.
За планинарите, ова значи дека почнува сезоната на зимски искачувања, но и дека условите на терен веќе бараат поголема внимателност и соодветна опрема. Иако пониските делови сè уште немаат почувствувано вистински зимски студ, белите врвови над градот се првиот сигнал дека следните денови може да донесат промена на времето и во низинските региони.
Зимата годинава, очигледно, реши да започне од врвовите. Стружани утрово добија ретка глетка – планината над нив е веќе во целосен зимски режим.
