Со години наназад, Преспанското Езеро се намалува со загрижувачка брзина, а ова лето, кое се памети како едно од најсушните во последната деценија или две, предизвика сериозни штети на водниот фонд.
Според објавените податоци, нивото на езерото се повлече за десетици метри во само неколку месеци, што претставува алармантна промена за екосистемот и за локалното население.
Граѓаните од регионот веќе алармираат за можната еколошка катастрофа. Губењето на Преспанското Езеро, второто по големина природно езеро во Македонија, со единствениот остров кој го краси, има директни последици и за Охридското Езеро. Природно, водите на Охридското се полнат од Преспанското, па намалувањето на водниот фонд на Преспа предизвикува и сериозни промени во хидролошкиот баланс на регионот.
Иако се водат бројни дискусии и се зборува за проблемот, речиси ништо конкретно не е преземено за надминување на кризата. Според експертите, евентуално решение ќе бара недвосмислена и конкретна помош од меѓународната заедница, особено од Европската унија.
Засега, сите предлози и стратегии остануваат само на хартија. Ако во најскоро време не се спроведат опипливи и видливи акции, еколошката катастрофа пред која сведочиме ќе се продлабочи и ќе донесе неповратни последици за природата и за животот на локалното население.
Не дознавај последен- читај ПРВ.мк
