Владата под водство на премиерот Христијан Мицкоски потпиша договори за стратешки инвестиции во енергетскиот сектор во вкупна вредност од околу 100 милиони евра, со цел енергетиката да стане клучен национален приоритет.
Инвестициите вклучуваат изградба на фотонапонската електрана „Битола 3“ и ревитализација на хидроелектраните – Фаза 3. Од вкупните 97 милиони евра, 50 милиони се обезбедени од КФВ банка за „Битола 3“, 10 милиони се наменети за хидроелектраните, а 37 милиони се средства од Европската банка за обнова и развој.
Мицкоски истакна дека овие проекти не само што ќе ја модернизираат и одржливо развијат енергетиката, туку ќе ја зајакнат националната безбедност, ќе ја стабилизираат економијата и ќе обезбедат нови работни места.
„Фотонапонската електрана е чекор кон модерна енергетика, додека ревитализацијата на хидроелектраните ќе ги продолжи капацитетите и ќе ги зголеми нивната ефикасност,“ рече премиерот, додавајќи дека инвестициите ќе имаат и силен економски ефект за домашната индустрија и локалните заедници.
