Пожар избувнал по полноќ во затворот „Идризово“, при што бил зафатен дел од објектот на затвореното одделение.
Инцидентот бил пријавен во 00:21 часот, кога од казнено-поправната установа информирале дека гори кровот на амбулантата во рамки на затворот.
На местото на настанот интервенирала Бригадата за противпожарна заштита од Скопје, која успеала брзо да го локализира и изгасне пожарот.
Во пожарот нема повредени лица.
Надлежните служби извршиле увид, а се преземаат мерки за утврдување на причините за избувнувањето на пожарот.
