Речиси 19 години по трагичната смрт на македонската музичка легенда Тоше Проески, на социјалните мрежи се појави видео од црн „фолксваген туарег“, за кој се тврди дека некогаш го возел непрежалениот пејач.
Снимката ја објавил Заја Мујчиновиќ од Босна и Херцеговина, кој открил дека автомобилот со години бил чуван во гаража, далеку од јавноста.
„Црниот туарег на Тоше Проески во Босна! Автомобил што времето го заборавило“, напишал Мујчиновиќ.
Според неговото сведоштво, возилото останало кај човек по име Јово, кој во меѓувреме починал, а потоа дури 11 години стоело затворено во гаража.
„Некои автомобили поминуваат километри, а овој патувал низ времето“, напишал авторот на објавата.
Посебно внимание предизвикало неговото тврдење дека со Тоше биле поврзани два различни автомобила од моделот „туарег“.
Според Мујчиновиќ, едниот бил црниот автомобил прикажан на снимката, додека другиот бил сивиот „туарег“ во кој пејачот трагично загина.
Тоше Проески го загуби животот на 16 октомври 2007 година, на само 26 години, во сообраќајна несреќа кај Нова Градишка во Хрватска.
Неговата смрт остави неизбришлива трага во Македонија и низ целиот Балкан.
Новата објава повторно предизвика емоции кај неговите обожаватели.
Сепак, поврзаноста на црниот автомобил со Тоше засега се темели на сведоштвото на Мујчиновиќ и не е независно потврдена.
