Проектот за целосно уредување на просторот покрај Овчка Река во кавадаречкото село Марена влегува во нова фаза. По почетните активности за чистење и подготовка на теренот, градежните работи на терен продолжуваат со засилено темпо.
Овој значаен проект за општина Кавадарци е вреден 300.000 евра, а средствата се целосно обезбедени како донација од фамилијата Камчеви преку Фондацијата „Илија Камчев“.
Со реализацијата на оваа инвестиција, жителите на Марена и сите кавадарчани ќе добијат нов, современ и парковски уреден простор покрај реката. Новиот кеј не само што драстично ќе го подобри естетскиот изглед на населеното место, туку ќе понуди и пријатно место за одмор, рекреација и соживот за сите генерации.
Проектот се реализира етапно, чекор по чекор, претворајќи ја долгогодишната потреба на локалното население во реалност. Овој дел од Кавадарци добива нов, модерен лик и простор кој ќе остане во наследство за сегашните и идните генерации.
