Регулаторната комисија за енергетика (РКЕ) соопшти дека од 23 декември 2025 година, од 00:01 часот, стапуваат на сила нови малопродажни цени на нафтените деривати.
Според одлуката на РКЕ, цените во просек се намалуваат за 1,18% во однос на претходната од 19 декември. Најголемо намалување има кај екстра лесното масло за домаќинство (ЕЛ-1), додека цената на дизелот останува иста.
Новиот ценовник изгледа вака:
- Моторен бензин ЕУРОСУПЕР БС-95: 70,00 ден/литар (намалување за 1 ден/литар)
- Моторен бензин ЕУРОСУПЕР БС-98: 72,00 ден/литар (намалување за 1 ден/литар)
- Дизел ЕУРОДИЗЕЛ БС (Д-Е V): 64,50 ден/литар (без промена)
- Масло за горење Екстра лесно (ЕЛ-1): 63,50 ден/литар (намалување за 2 ден/литар)
- Мазут М-1 НС: 32,607 ден/кг (мал пад од 0,028 ден/кг)
РКЕ посочува дека промените произлегуваат од движењата на референтните цени на нафтените деривати на светскиот пазар и флуктуациите на курсот на денарот во однос на доларот.
