На 25.11.2025 година, ОСОСК во координација со ОЈО Скопје презеде службени дејствија и изврши претреси во Скопје, Куманово и Тетово поради сомненија за кривично дело „Злоупотреба на службена положба и овластување“ извршено во периодот 2021-2022 година од страна на овластени лица во Агенција за стоковни резерви, Агро берза, МЗШВ и вешто лице, со цел прибирање на докази за понатамошната постапка.
Службените лица со неизвршување на својата должност придонеле за отпис на 1.500.000 кг меркантилна пченица и 500.000 кг јачмен од државните стоковни резерви, со што предизвикале штета на буџетот од околу 780.000 евра.
Според првичните информации, осомничени се:
- Ниметула Рамадани – службено лице-раководител во Агенција за стоковни резерви Скопје.
- Реси Абдурахмани – директор на Агенција за стоковни резерви Скопје.
- Тони Кантурски – службено лице-раководител во Агенција за стоковни резерви Скопје.
- Трајан Димковски – поранешен заменик министер за земјоделство, шумарство и водостопанство.
- Миле Пешевски – вешто лице при Биро за процена од областа на земјоделството.
Оваа акција е дел од продолжените напори на институциите за истрага и одговорност на јавните службеници.
