Во рамки на манифестацијата „Кавадаречко културно лето“, вечерва се одржа креативната работилница „Обои ги твоите омилени ликови“, реализирана во соработка со Градската библиотека „Феткин“.
Исполнети со насмевки, боички и многу фантазија, најмладите учесници ги оживеаја своите омилени ликови од бајките и цртаните филмови, создавајќи уникатни цртежи и незаборавни спомени.
Работилницата понуди можност децата да ја изразат својата креативност, да се дружат и да поминат квалитетно време во инспиративна и весела атмосфера.
Организаторите упатија благодарност до сите мали уметници за нивната креативност и ентузијазам, како и до Градската библиотека „Феткин“ за успешната соработка.
Со вакви активности, „Кавадаречко културно лето“ продолжува да создава содржини кои ги поттикнуваат детската имагинација, љубовта кон уметноста и заедничкото дружење.
