Интензивно се одвиваат градежните активности за изградба на новиот СПА центар, кој се реализира како доградба на постојниот спортско-рекреативен објект – затворениот базен, на вкупна површина од 240 квадратни метри.
Со овој нов проект, објектот добива дополнителна вредност, а граѓаните ќе уживаат во значително побогата и покомплетна понуда за рекреација и релаксација.
Новиот современ простор е дизајниран да понуди врвни услови за одмор, а меѓу содржините ќе бидат достапни:
- Парна бања и сауна
- Пространо џакузи
- Топли лежалки и клупи за релаксација
- Модерно опремени тушеви и соблекувални
- Специјализирани простории за масажа
- Придружни санитарни и технички простории
Со изградбата на овој СПА центар, затворениот базен прераснува во современ спортско-рекреативен комплекс кој ги исполнува сите стандарди за квалитетно слободно време.
Изведувач на градежните работи е познатата компанија „Жикол“, а работите се одвиваат според предвидената динамика.
