Брк по избор, преглед задолжителен!
Грижата за здравјето често се одложува поради секојдневните обврски, професионалните предизвици или уверувањето дека се е во ред. Кај мажите особено често се случува симптомите да се занемаруваат, а посетата на лекар да се одложува се додека проблемот не стане посериозен.
Превенцијата, редовните здравствени контроли и навременото откривање на заболувањата се клучни за зачувување на здравјето и квалитетот на живот кај мажите. Редовните прегледи и здравите животни навики се важен чекор кон навремено откривање на потенцијалните ризици и спречување на сериозни компликации.
Срцето - приоритет во машкото здравје
Кардиоваскуларните заболувања се еден од значајните здравствени предизвици кај мажите. Високиот крвен притисок, покачениот холестерол, пушењето, прекумерната тежина, физичката неактивност и хроничниот стрес се фактори кои го зголемуваат ризикот од срцеви заболувања. Бидејќи дел од овие состојби може да се развиваат без изразени симптоми, редовните кардиолошки контроли се од особено значење. Болка или притисок во градите, отежнато дишење, неправилна работа на срцето и необјаснив замор се симптоми кои бараат медицинска процена.
Здравјето на простата- важна тема без табуа
Со возраста се зголемува ризикот од различни заболувања на простатата, вклучувајќи бенигно зголемување, воспалителни процеси и карцином на простата.
Промените во мокрењето, честото ноќно мокрење, слаб млаз на урината или чувството на нецелосно празнење на мочниот меур се причини за консултација со уролог.
Редовните уролошки прегледи и индивидуалната процена на ризикот се важни за навремено откривање и соодветен третман.
Хормоналното и менталното здравје се подеднакво важни
Хормоналниот баланс има значајна улога во машкото здравје, влијае врз енергијата, мускулната маса, расположението и сексуалната функција.Постојаниот замор, намалената енергија и промените во расположението може да бидат причина за посета на уролог. Не треба да се занемари ниту менталното здравје. Стресот, анксиозноста, депресивните состојби и нарушувањата во сонот влијаат врз целокупната благосостојба.
Барањето стручна помош не е слабост, туку одговорен однос кон себе.
Ноември – месец посветен на машкото здравје
Во Клиничката болница „Жан Митрев“ посветуваме особено внимание на значењето на превенцијата, навремената дијагностика и индивидуалниот пристап кон секој пациент.
По повод ноември – Месецот на машкото здравје, Клиничка болница „Жан Митрев“ подготви специјални промотивни цени за уролошки, кардиолошки, невролошки и други специјалистички прегледи и дијагностички услуги, со цел да ја поттикне свесноста за значењето на превенцијата и да им овозможи на мажите полесен пристап до навремена здравствена грижа.
Промотивните цени важат во текот на месец ноември.
Машкото здравје заслужува внимание во секоја доба од животот. Не ги игнорирајте симптомите и не ги одложувајте прегледите. Разговарајте со лекар, информирајте се и преземете навремени чекори за своето здравје.
Затоа што грижата за семејството и најблиските започнува со грижата за сопственото здравје.
Клиничка болница „Жан Митрев“ – Брк по избор, преглед задолжителен!
