Четиринаесетгодишно девојче од Куманово е пријавено за исчезнато, откако синоќа не се вратило дома, соопшти Секторот за внатрешни работи Куманово.
Според информациите, во 22:45 часот на 4 јули 2025 година, мајката на девојчето, С.Ј. (40), поднела пријава во полиција дека нејзината ќерка се оддалечила од домот и не се вратила.
Полицијата веднаш започнала со преземање мерки за нејзино пронаоѓање, а засега нема дополнителни детали околу околностите на исчезнувањето.
Од МВР апелираат сите граѓани кои имаат информации поврзани со девојчето да се јават во најблиската полициска станица или на бројот 192.
